2015.07.09 on.cc東方專訊
【女高音VS古典聲樂】龐卓欣「音」贏麥明詩
胡鴻鈞、鄭俊弘及許廷鏗探班。據知無綫斥資6位數字租用錄音室，並請來曾為韓團少女時代監製唱片的Jeff Miyahara製作港姐主題曲《一夜成名》。Jeff即場考核佳麗歌唱天份，並安排分組清唱。
被指為宿敵的麥明詩與4號「寸嘴Ada」龐卓欣巧合同組，以舞姿獨領風騷的Louisa，唱歌時明顯緊張，稍為失準，為Ada製造反擊機會，Ada表現更獲監製大讚。
寸嘴Ada認發明星夢
問是否對唱歌項目較有信心？Ada說：「3歲學唱歌，大學修讀女高音，算係最有信心嘅項目。（滿意今日表現？）都滿意嘅，監製都笑問有冇興趣做藝人，話可以幫我。（發明星夢？）都有少少嘅，自己鍾意唱歌，有機會都想試。」問到是否借唱歌反擊Louisa？她說：「唔會咁諗，佢都學唱歌，佢唱歌都OK㗎，又係合唱團，大家互相切磋！」Louisa談及唱歌表現時則表示：「事前都有練歌，學過古典聲樂，流行曲差少少，唱歌一有壓力就影響表現。」
問到三子對佳麗印象，三子認為Louisa與Ada表現出眾，胡鴻鈞更點名讚Ada：「真係信心爆棚，要向佢學吓點Keep住咁有信心。」
(@adapcy 專長既項目有一定既好处，但相信你自己對首歌既磨合加上你學音樂既詣藝,演繹必定更精湛！）
Search